Maliji ja mu chungu ja mavu jami,
nakweva nhi ngunevu yami!
-Ndo lume yami, nakwiva nhi ngunevu mwaso upema wa chujila ja mavu jami muze mu kucha.
-Ndo lume yami, nakwiva nhi ngunevu lunjunjila wa thachi ja chipupa cha mavu jami, chinapupwola ku iphaya ya uhenha mba yami wika ngunanhingika.
-Ndo lume yami, nakwiva nhi ngunevu kulundumuka cha mafo mumu lia mihenho ya mavu jami.
-Ndo lume yami, nakwiva nhi ngunevu manhingunhingu ananguhuimisa ja kaluiji waze anapalika hakachi ka mawe nhi lupumba wa mavu jami, mavu a yetwe eswe akwa Ngola.
-Ndo lume yami, nakwiva nhi ngunevu kupwoza cha mbwota ha ufuku unakekema ha malelua anapeme ja ha mavu ja yetwe eswe akwa Ngola.
-Ndo lume yami, nakwiva nhi ngunevu
mulusu wa fuji mumu lia ipundo nhi ikoka ya mavu inakunga eswe akwa Ngola.
-Mumu liaka ndo yena, ushi kwiva maliji ja chungu ja mavu wano apema waze unakathumba ha thando isuku ipi?
Mba mumu liaka ndo yena?